ياحصراه النساء كيفاه يصليو صلاة التراويح ...حابين تعرفوا؟ ادخلوا تشوفو

تذكير بمساهمة فاتح الموضوع :

بسم الله الرحمن الرحيم

كيفاه راكم مع رمضان غالبكم ولا غالبينو ولا نص نص؟؟؟ :affraid:

;) المهم ان شاء الله لاباس ندخل ديراكت فالموضوع ديالنا لي عنوانو هو:

التمنشير فالجوااااااااااااامع... السيدات و الآنسات و لي بيبي و ........ :bounce: :bounce: :bounce:

واش نقـــلـــكم كانوا النساء في بكري قليل فيهن لي تروح لصلاة التراويح ولي تروح تروح خاشعة نيتها باه تصلي ماشي باه تمنشر :cheers: :cheers: :cheers: مي دركا آخر الزمان ولا النساء يجو زعما يصلو مانعرف ايدا غسلوا لماعن ديالهم ولا خلاوهم هكداك راهم يقلعوا للتراويح قبل الرجال، تلقى مرا جابت معاها قاع ولادها الصغار ***جات تصلي ولا تعس *** و الأخرى جايبة معاها لاتاي و القلب اللوز و القطايف ***مشبعوش في ديارهم*** راهم دايرات جماعات جماعات ويحكيو و يمنشرو والامام يعلي في صوتو باه يسكتو ولكن لاحياة لمن تنادي , ولادهم رايحين جايين ميخلوك تصلي ميخلوك تخشع لربي المهم كي تبدا الصلاة العشاء جوز لاباس من بعد تجي صلاة التراويح واش تلقااااااااااااااو؟؟؟:

10 ولا 11 واقفات ولي بقاو قاعدين ولا راقدين يشخرو حتى الشخير و تسمعو لعجايز مربعين و يحكو على عرايسهم ، بلا مننساو دوك الدراري صغار يضبحوا ، يعيطو ، ووووووووووو........الخ.

أملا انا طلعلي لجنون للراس قلت العام لي فات كنت في مكان ماشاء الله النساء مربيات جايا تصلي ولكن هد العام :bounce: :bounce: :bounce: المهم هكدا تجوز التراويح من بعد الامام غير يعمل اعلان يقول صلاة الشفـــــــــــــــع و الوتــــــــــــــر يسووووووووود الصمت تقول رانا في جبال الرمااااال بعيدا عن الضجيج لي كانت راقدة ولي كانت قاعدة قاع ينوضوا نهار لي يلحق الامام لسورة الناس تسمع الجامع قاااااااع س س س س س س س س س س سورة الناس قاع حافظينها لالا ماشي هدا هو الهدف الهدف راهم خارجات.....وياسلام غير يقول السلام عـــ....قبل مايكمل تصيب النساء قققققققققققققققااااااااااع تحوس على صبابطها***حاشاكم*** نهار لي يخرجوا الرجال نورمالمو هوما لي يسناو نساهم ولا الطفلة لي جابوها معاهم ولكن العكس تلقى النساء هوما لي يسناو فيهم ***صدق لي قال الدنيا راهي تمشي بالمقلوب***

راني طولت عليكم هكدا تجوز صلاة التروايح عندنا ولعندكم مانعرف نورمالمو قانا

ابداو تكتبواااا

شكرا على المتابعة

والسلام عليكم

شكرا على رايك أختي

العفوووووووو

هههههههههههه لا تعليق

والله غير صح
هادو يا اختي النسا وش نقولوا على الرجالة
يمالا اسمعيني
واحد حاشاك ياكل البصلة ولا منيش عارف واش ولا الكشير ويجي الجامع يتقرع قدامك وجامي يحط يدو على فمو ويأذي المسلمين وانت ما شفتيش كي يغلط الأمام نورمالمو اللي احداه يقولوا سبحان الله باش يعرف بلي راهو غالط لالا اللي راهم في الاخير يقولوها بحال راهم عرفوا بلي غلط ونزيدلك المسافة بين المصلي وخوه كيلو متر تقول بيناتهم حساب كبير بلا كي ولي الامام في السور الاخيرة ياه الجامع يتحول مدرسة قرآنية وياحصراه بزاف حوايج

كاتن سيبانس تجيب اخبارهم

» صلاة التراويح
» صلاة التراويح.
» فضل صلاة التراويح
» أروع دعاء بعد صلاة التراويح
» صلاة "التراويح" في الكنائس بكندا