ذنب من هذا

كيف الاحوال انشاءالله كلو تمام

اليوم جبتلكم موضوع لفت انتباهي في اوساط الشباب وهذي القصة واقعية وصراتلي

كنت في الحرم الجامعي عندي حصة اعمال موجهة وهي حصة مخصصة للبحوث الاقتصادية يعني مجال دراستي

بدات الحصة وكان كل شيء عادي مجموعة من الشبان يلقو في البحث والاستاذ يستمع للالقاءوبقية الطلبة كل واحد واش كان يدير

ختكم كانت في عالم واحداخر معلبليش كامل واش كان صاري. ......

المهم كانو يناقشو في بحث عن العولمة وانا لاادري كيف تطور الموضوع ووصل الى قضية عمل المراة

كي رديت بالي للكلام لي كانو يقولو فيه سمعت طالب قال للاستاذ بالحرف الواحد"يا شيخ انا ماشي مهبول نخلي المرا ديالي تخدم....."

الاستاذ ضحك ضحكة صفراء وقالو علاش متخليهاش تخدم

رد عليه الطالب وقالو ماكانش ثقة في النساء تع اليوم وانا اذا درت الكوراج وتزوجت منخليهاش تخرج كامل من الدار.....

ردت عليه طالبة وقاتلو هذي نيتك العاطلة خلاتك تشك بهذي الطريقة في النساء وكيما كاين المرا العيانة كاين مقابلها 10 نسا لاباس بيهم

وبنات فاميليا

الاستاذ باه يهدي الوضع غلق الباب وقال لهم اتناقشو بطريقة حضارية

الطالب قال يا شيخ رانا نشوفو في بنات اليوم كاسيات عاريات لا حشمة لا حياء صار التحجب والتعفف عندهم موضة قديمة وصار الخدع

واللعب بمشاعر الشباب هوايتهم

وانا نخاف ندي وحدة وننخدع فيها ونشقى عمري كامل

ردت الطالبة وقالت انتو لي علمتونا الخدع والنفاق ومافي متلاعب بالمشاعر من غيركم انتو لي توعدو الفتاة بالزواج والحياة السعيدة

وتروحو وتخلوها غارقة في احزانها ثم سكتت قليلا وقالت بصح وين الشباب لي رانا نتكلمو عليه اذا كان الواحد فيكم

مايهمو غير الجري وراء البنات والدردشة معاهم في التليفون والفايس بوك لا خدمة لا مستقبل واضافت انا كان نبقى عانس ومنديش

واحد من هذي النوعية

وتوالت الاتهامات من عند هاذا ومن عند هذي وانتهى وقت الحصة واحنى ماكملنا البحث ما تفاهمو ذنب من هذا

فالشاب يلوم الفتاة والفتاة تلوم الشاب


واش رايكم في هذا الموضوع لي صادفني اكثر من مرة في اوساط الشباب

اتمنى ان تعطرو موضوعي بردودكم وارائكم

شكرا أختي على طرحك لهذا الموضوع الحساس
أنا أقول أنه يوجد بنات طييبات كما يوجد خبيثات
نفس الشيء للذكور , لكن فلتعلم أن الخلوة جد خطيرة , وأن تأثيرها يكون في الأمد الطويل أو الفصير , يعني أنهاتستطيع تشخيص حالتها المهنية , تأثيرها السلبي على عواطفها

أرجو تكملة الفكرة

موضوعك مميز

مثير للجدل مشكوووووورة على الطرحك الرائع


صراحةًَ تجي تفهم تدوخ تخلط لخضر مع اليابس

وماعرفنا كي نديرو نفرقو بيناتهم

مي لازم الواحد يكبر خاطرو

والله يعطينا على حساب نيتنا آمين



سوف أعود مجدداً...

بعد الي رانا نسمعوه كل يوم
عن كيد النساء
نشوف بلي الي قالوا هدا الشخص عندو الحق فيه
وزيد المراة ماراهيش حاملة شغل الدار باه تحمل الشغل برا البيت

هذا اقتراحي في القضية طبعا