كيف أصارحها بحبي لها؟

أحبها فكيف أصارحها بحبي لها ؟؟؟


كانت في فترة ما صديقتي لكنني عشقتها دون قصد ، حولتني الأيام من صديق الى عشيق ، سلبتني ابتسامتها وغمرتني كلماتها فلم أستطع صبرا تحمل حبها .
كيف أصارحها بحبي ؟
وعن قريب ستفصلها عني الايام هي في مكان وأنا في مكان ...............

فكيف سأتحمل فراقها ؟

ساهلا روح ليها وقلها
اذا مقبلتش قلها انساي واش قتلك وخلينا نبقاو صحاب كيما كنا
واش رايك في اقتراحي :scratch:

في البداية شكرا على المرور الكريم والمساهمة الطيبة منك
بصح راني مازال ماقلتلهاش بلي راني نحبها ،حشمت نقوللها قلت في نفسي ممكن ما تتقبلش حبي ليها و ماحبيتش نخسرها
مي راني نحبها بزاف وهاذ لعام نجوزوا لباك كيف كيف
أعطيني رايك؟

شووووف خوو

في لااافاان مرااح تخسر وااالوو رووح قوللها كون كوورااج



اذا مقتلهااش رااح تخسرها

ورااح تندم
ورااح تقعد تفكر

مي اذا قتلها
اولا تنح حمل كببيير سوا لقيت رضاا ولا لالا


صح يباانلك صعيييب


مي اصااحبي وشحاال صعيب تفوت الصيف كااامل ونتا تخمم ومغبووون



من بصح اهدر معااها هدرة ستيييل



اياا ربي يوفقك خويا

Gacem_a كتب:

في البداية شكرا على المرور الكريم والمساهمة الطيبة منك
بصح راني مازال ماقلتلهاش بلي راني نحبها ،حشمت نقوللها قلت في نفسي ممكن ما تتقبلش حبي ليها و ماحبيتش نخسرها
مي راني نحبها بزاف وهاذ لعام نجوزوا لباك كيف كيف
أعطيني رايك؟

يمكن ويمكن تقبل

برك توله اك قلت حب مش من بعد تخليها تسلية ؟
ومعلييش اذا قاالت لالا

يا خوياا الزماان كفيل باااش ينسييك وتعرف انها متستااهلش تكمل تفكر فيها

مي اذا رحت اك حطيت حل

علبالي وراني مقدرا ظروفك لخاطر هاذي القصة صراتلي مع واحد كان يقرا معايا
شوف نقلك روح احكي معاها بالشويا وفهمها وقلها اذا مقبليتش خلينا صحاب وقلها اتمنى انك تقدري موقفي ومنيش حاب نخسرك وانا متاكدة باللي رايحا تفهمك
جرب وردلي لخبر ok

وكيما قال كريم حبها نتاع الصح ماشي غير تفوت في الوقت ok

هههه
مرسي اميرة
لو كان الحب يايدينا لا خذنا ولا ادينا ولا عشنا حكاياات

هااذ الغنية لازملك تسمعها اصااحبي


يباانلي رااك تسهر والطفلة هبلاااتك

وشنو اصااحبي مش دوووكا ترووحلها

خلي نهاار الحد

عباالك يخرجلك دووك بابااها يفسدلك خليقتك كااامل

يماالا خلي نهاار الحد وربي يسهل

خو هدا الي يجرا معاك عادي
يمكن للصداقة انها تتحول الى حب
بصاحي تاكد بلي عمرو الحب كان يولي صداقا
على بيها انا نقلك اعرف وين تحط رجليك
و اذا علابالك بلي كون تصارحها
راه تدي منك موقف مكالاه
على خاطر راه تشوف روحها
تخدعت فيك
مجرد راي خو

بصراحة يا أخي أنا أقترح أن تبعث طفلة تثق فيها وتقلها هي وش رايها فيك وإذا هي تقبل أنها تكون مش مجرد صديق إذاهي قبلت الطفلة هذي تقلها بلي أنت تحبهامي إذا ماقبلتش تكون أنت عرفت رايها من دون ماتعترفلها وترتاح مي هذا أكل إذاكنت حاب تكمل معاها مش لعبة برك وهذا مجرد رأي يتحمل الصواب ويتحمل الخطأ

ايه وين عودي
كاش جديد؟

مرحبا .أنا مررت بقصة مشابهة فقد كان لدي صديق أحبني ولكنه أخبرني بأنه يحبني بعد فوات الأوان .بعد أن أحببت شخصا آخر .و ليته أخبرني من قبل لأنني كتث معجبت به و في رأيي الصديق قد يصبح أفضل حبيب .لا تتردد أخبرها فربما تبادلك نفس الشعور.

اي و الله فور الفكرة
مي وين راك؟

ووووووووووووااااااااااااااااووووووووووووووووووووووو مالله كلمات روعة روح قولها واعطيلها تقرى هذا الموضوع تقبل على الاكيد

والله فووووووووووووووووووووووووووووووووووووووووووووووووور كلمات في الصميم مزالها الدنية بخير ههههه

تقبل مروري تدخلي وسلامي

أنا في رايي تروح تصارحها و كون متأكد بلي راح تقبل
خصوصا يلا كان هي تبادلك نفس الشعور و تحشم باش تقولك
ماتتردش أكثر و ماتخليش الوقت يفوتك
و رأي من رأي فساح الجنة
بالتوفيق و انشاء الله ما تخيبلكش الامل

ما تقوللهاش خويا
وخلي نظرتك ليها بريئة وفي لافان اذا كانت ليك والله تديها من حجر يماها واذا ما كانتش ليك
ياربي راها مساميك وبينك وبينها خطوة ما تديها ولا تشوفها
وفي الاخير هذا رايي وانت كيما حبيت
خويا راك راجل ماتخليش حاجة كيما هاك تسيطر عليك ولاتهزك
والمستقبل قدامك و ربي رايح يرزقك بلي تقر عينك بالحلال

صارحها قبل فوات الاوان

انا اعيش نفس الحكاية واتمني ان يصارحني الطرف الاخر

ههههههههههههههههههههههههههههههههه

n9oulake khoya sa7e toufla blake rahi tabrike rou7e a3tarfe liha mais plz nhare tkoune m3aha matakhda3hche surteu ida kante hiya mat7ab e7ta wa7de aya rabi yhanike khoya nchalhe walhe yla9iko fi la7lale nchalhe