( آلو ) ( من على باب الثانوية ) الواقع معروف وفي بلادنا عيش تشوف ( قصة بنت بورطابل الشارع

في انتظار ارااائكم

شكرا اخي على طرح الموضوع

فعلا هذا ما الت ايه حال فتيات مجتمعنا

الي نورمالمون مسلمات،قبل كلشي نورمالمون الدين الي يحكممهم،بصح هوما،خاصهم غير يروحو يعلقو صليب،مابقى

والو،الدين

راح الاخلاق راحت الحشمة راحت،و المشكل انها ولا ت لامود كيما قلت،الي مااسمهاش سوسو،كامل يعلقو عليا،مشي

شابة،ماعندهاش شعبية

الله غالب مجتمعنا فاسد واش لازم نديرو،المهم انو الانسان ينصح و يحاول قد ماقدر باه يغير،و اذا ماقدرش يدعي اضعف الايمان

لازم نحاولو نصلحو مجتمعنا،و الاصلاح يبدا من داخل البيت و في حضن الاسرة،كلشي يرجع للتربية

شكرا على طرح الموضوع الرائع

الاخلاق راحت الحشمة راحت،و المشكل انها ولا ت لامود كيما قلت،الي مااسمهاش سوسو،كامل يعلقو عليا،مشي

شابة،ماعندهاش شعبية

الله غالب مجتمعنا فاسد واش لازم نديرو،المهم انو الانسان ينصح و يحاول قد ماقدر باه يغير،و اذا ماقدرش يدعي اضعف الايمان

لازم نحاولو نصلحو مجتمعنا،و الاصلاح يبدا من داخل البيت و في حضن الاسرة،كلشي يرجع للتربية


الحمد الله اني متمسكه في ديني وبعرف انو مايمكن يحبك شخص هكذا فقط لابد من وجود مصلحه

عندك الحق كريم

في هد الوقت رانا نشوفو في هد لبنات لمثل سوسو واشواقها

راهم دايرين اليسي مكان للقاءات السرية والمواعيد مش مكان تعليم وتربية

ربي يهديهم

وشكرا اخي جزاك الله خيراا

موضوع رائع كريم شكرا
والله غير عندك الحق عاد لبورطابل هو كولشي لي ماهوش كيما سوسو يقولو عليه متخلف الدين طيشوه في ركنة والحشمة والأخلاق عفسو عليهم وفاتوا لازم علينا ننصحوا وندعيو ربي يهديهم و انشاء الله مانطيحوش في الحفرة لي طاحو فيها بعض البنات
ربي يهديهم

شكرا للمرور

صح ربي يهديهم

مي خلي كي يفيقو على الصح

يعرفو روااحهم

بهدلو بدزاير وبدينها وباصلها

وراح دم شهدانا هدرا

راك تشوف،الله غالب،بصح يجي النهار و يفطنو،رايحين يكبرو و يولو واعيين و يفهمو مايباقاوش هاك طول حياتهم

المشكل مش في لي يبقا ولا لالا

في لي يضيعو


يفسدو المجتمع

الانسان يربي بنتو ولا اختو مليح على المباديء هاكا ماكاش الي يقدلا يأثر فيها حتى المجتمع و مايقدرلهاش،و ثاني يعسها شوية،يحطها تحت الرقابة مايخليلهاش الحرية المطلقة،يعسها اهلها بصح بلا ما يبينولها بلي ماراهمش دايرين فيها ثقة،و كي يصرا خطأ صغير يعالجوه بالتي هي احسن باش مايزيدش يكبر و تضيع البنت كثر و كثر

صفاء

الاهل

موالاوش اهل

واصلا اغلبهم موالوش اهل للابوة

ولاو يتزوجو من اجل الزواج وليس من اجل بناء مجتمع راقي

في هاذي عندك الصح كريم،اذا كان اساس المجتمع فاسد سي نورمال يفسد المجتمع

يعني مانقدروش نلومو البنات على كلشي،المشكل راه في العائلة

الواااحد كيما قلتو يبدا بنفسو ولي حاوليييه

على الاقل ينقص شوي

عندك حق في كل شيء قلتوا هذا من الواقع الي عايشينوا رب يهديهم وشكرا على الموضوع

آآآآآآآآآآآآآآميــــــــــــــــــــــن

كريم على هالموضوع
والله مس نقطه هامه على المجتمع
ولكن كل اللوم على ولي الامر
حتى يحصل ماحصل .

شكرا الاخت وردة


اللوم على الجميع

يجب ان نتحمل الجميع ما يحصب

سلام عليكم ورحمة الله
اولا اشكرك على الموضوع
لكن انا لااوافقك الراي في تع سوسو هادي تع بكري خويا لعزيز
المهم خلينا من هادا الموضوع
في الحق معظم الردود تبين بان الحق كله يقع على الفتاة وحدها
وهل الشاب ملاك ولا طفل صغير كما نقولو حنا الشيرة شاربة عقلها وهو لا
كما البنت تتحمل الذنب الشاب تاني
البنت لكان جات بنت عايلة ومتربية ماديرش هاك ونفس الشي للشاب
وحنا في وقتنا هادا رانا نشوفو العجب تلقا واحد مع وحدة في حالة لايرثى لها

:suspect: :suspect: وكي تنصح الشيرة تقولك ماراكش بويا ماراكش خويا ماكيش ختي مادخليش روحك فيا
ونفس الشيئ بالنسبة للشاب يقولك ندير لي نبغي ولا كي تنصحهم تبانلهم واحد كومبليكسي
واومبلوس دوسا كي تجبدله على اخته مايبغيش وعلاش باسكو تمثل الشرف تاع دارهم هنا تعرف بلي هاداك الشاب اناني لكان جا ولد عايلة كما مايحبش لاخته الضر والاسى وووو نفس اشليئ لازم يشعر بنفس الشعور بالنسبة لبنات الاخرين كيخته كي خت الناس
:| :| ودوك قليل وين تلقا واحد سيرسو متمسك بدينه ويخاف ربييييي
ويتجنب معاصيه
ووحد شيناس يقولو هاديك ماشي متربية ووو وهوما نساو رواحهم
وفي الليسي رانا نشوفو عجب
اسمحولي نخرج شوية على الموضوع تاعنا مي في التالي نخرجو بنفس النتيجة
دوك حنا البارح ضربو استاد بحبة بيض امالا زعف واحلف مايقريناش كي راح شكااا للادارة مادارو والو قالو ماتقروهمش وخلاص امالا كي سمعت بروف تع اونجلي زعفت بزاف لقات كلاصة مسخة بالبيض المكسر
امالا قعدت تهدر قاتلنا دوك ماعيينا ساكتين مانجموش ندسو كلاطينا البنت مابقات بنت والولد مابقا ولد وعلاش قالت هاك باسكو كانت كل ماتفوت على كلاصة تشوف الي ماينشافش
ليرونديفو فليكلاص وليماناجمن ماتهدر معاهم موالو كي تسمو هادي مؤسسة التربية والتعليم ولا مؤسسة اقامة العلاقات الغرامية وووو غدوة يرجعوها حاجة وحدخرااا ماعلابالناش وين راح نوصلووو
وكي دخلت لعالم النت شفت شوية ناس دايين صفة سيئة على وهران
قلت ماعليش هادي هي الدنيا في كل بلاصة الدوني والمليح مي علاحساب الشوفة حتى الصحرااا وراه فيها صوالح كما هااااااك
ايمالا ماشي غير وهران
وادوها من عندي الي مأصل مأصل وجامي يدر حاجة تغضب ربي يدير ربي والنبي في قلبه يربح
هادي هي الدنيا من بعد ماغاديين ندو معانا والو غير قنطار تع ليزانكنفينين وشوية تع حسنات ادا كتبلنا ربي
امالا شارانا نقارعوووو
كل يوم نسمعو حاجة جديدة ماعلابالناش وين رانا غاديين نوصلو وسيسور نوصلو لموصل مايرحمناش
كثرووو ولاد الحرام وكترت اعراس الشيطان الله ينعله وكترت المعاصي وغضب ربي وسخطه على العباد لي يعاكسوه في اي حاجة
البنت مابقات بنت والاوالدين مابقاو والدين كلشي تبدل واحنا نقولو الدنيا تبدلت والعس حنا لي بدلتنا باسكو جرينا موراها ونسينا ربي
:pale:
نشوفو منكر نسكتووووو ونخلووووووه
ياك تعرفو هاداك الحديث لي يقول ربي ينصر الشعوب الي تحكم بالعدل ولو كانت غير مسلمة
هاراكم تشوفو بلادنا مكان ني عدل ني والو عندك الدراهم تعيش ماعندكش قعد في لابوبال ياكلك الدود
كيفك كي الحيوان حاشاك هادا هو سبب تخلف العرب المسلمين ومانقولوش كافة الحكام يجرووو مورا السلطة تقول في لافن دوموند غاديين يدوها معاهم
رانا عايشين في مسلسل
شانقول وشانخلييييييي

القلب تقيح ورانا مكلاطيين من الضلم واحد ماعيا صابر كثرووو الاشرار
وكما يقول اذا اكرمت الكريم ملكته واذا اكرمت اللئيم تمرداااااا
هادي على واحد لي يكرم واحد مايستاهلش ويحله العين
المهم سمحولي لديرونجيتكم ولا حاجة من هذا القبل نشكركم بزاف والسلام خير الختام
سلام عليكم ورحمة الله وبركاته

القصة هي من نسج الخيال ايمان ومش تاع بصح

مي وقائعها تحدث في كل ثانوية بالجزائر





المهم شكرا على رايك وردك المميز

اختي احنا مش راح نوبخو

احنا نحوسو برك نولهو الطفلة بلي راها وحدها لي تخسر

علابيها نقولو هي الغالطة





ويقلك ان لم تستحي فافعل ما شئت

ويقل نعيب زماننا والعيب فينا
وما لزماننا عيب سوانا
ونهجو ذا الزمان بغير ذنب ولو نطق فينا الزمان لهاجان




صح احنا لي بدلنا الزمان

مي الاصلاح
وينو
؟

الضروف تدفع الى المستحيل فكثرة الضغط تولد الانفجار
مفهمونا عن التربية اصبح خاطئ ل بالاحرى لا يجب ان نسمى ذلك انعدام تربية بل تحطم شخصية فمن ساورتها نفسها ان تخون تقة اهلها وتحطم اول حواجز الاخلاص ننتظر منها اي شيء ولكن السبب الرئيسي للمشكل هو الاختلاط في المدارس تقبلو رائيي المتواضع ومشكورين على الطرح

يعطيك الصحة ايمان

وي كريم سي فري

اقتباس :

مي الاصلاح
وينو
؟

هادا هوووو السؤال لي نطرحوه كامل على نفسنا
اخي انا اعلم اني خرجت عن الموضوع
واكيد البنت هي الي تخسر ولكن الشاب ايضاااا
يجب الاكثار من المواضيع التحسيسية والارشادية فوالله نحن بالحاجة الماسة اليهاااا
الحل الوحيد للخروج من ورطتنا وهو الرجوع الى كتاب الله وسنة نبيه
وبين قوسين نزيد نخرج عن الموضوع مرة اخرى ههههههه
(نحن في عالمنا الاسلامي الان كثرت الكثير من الاحزاب والتيارات الاسلامية
واحد يقول انا سلفي انا رايح ندخل للجنة ولاخر يقول اناصوفي وانا ندخل للجنة ولاخر يقول كدا ولاخر كداااا
والله مافهمنا فيها والوووو وتاني سبب ضياع الامة الفتوات لي فليتيليفيزين
واحد يقول ديك ولاخر ديك
كل واحد يجيبلك حاجة جديدة
وزيد الناس تخرج حاجة جديدة )
ياحصراااه عندي مانهدر مي بلاصتها ماشي هنااااااا
المهم شكرا جزيلا مرة اخرى واتمنى راي الاعضاء الباقيييين

اقتباس :

يعطيك الصحة ايمان

الله يخليك اختي مشكورة

اقتباس :

الضروف تدفع الى المستحيل فكثرة الضغط تولد الانفجار
مفهمونا عن التربية اصبح خاطئ ل بالاحرى لا يجب ان نسمى ذلك انعدام تربية بل تحطم شخصية فمن ساورتها نفسها ان تخون تقة اهلها وتحطم اول حواجز الاخلاص ننتظر منها اي شيء ولكن السبب الرئيسي للمشكل هو الاختلاط في المدارس تقبلو رائيي المتواضع ومشكورين على الطرح

كلامك من ذهب بارك الله فيك اختي

راجية النجاح كتب:

الضروف تدفع الى المستحيل فكثرة الضغط تولد الانفجار
مفهمونا عن التربية اصبح خاطئ ل بالاحرى لا يجب ان نسمى ذلك انعدام تربية بل تحطم شخصية فمن ساورتها نفسها ان تخون تقة اهلها وتحطم اول حواجز الاخلاص ننتظر منها اي شيء ولكن السبب الرئيسي للمشكل هو الاختلاط في المدارس تقبلو رائيي المتواضع ومشكورين على الطرح

اختي هي قلة ايمان

قلة اهتمام من الاسرة

ليس لان هناك اختلااااااااط

بل لان في القلب مضغة و صلحت صلح الجسد كله