طارطات صغيرة بالسلق

العجينة بريزي
المقادير:
700غرام فرينة,250غرام زبدة طرية,شويا ملح, 2صفار بيض , ماء
الحشو
4 ربطات سلق.صلصة البيشاميل . فرماج مبشور و تن للتزيين
تحضيرها:
خلطي الفرينة و
الملح و الزبدة و حكي الزبدة مليح مع الفرينة و زيديلهم 2 صفار بيض و خلطي
مليح امبعد ضيفي الماء تدريجيا حتى تتحصلي على عجينة متماسكة كيما راهي
مبينة في الصورة

خليها تريح من يدك 10د في هديك المدة حضري الحشوة ديري السلق في مقلة بعد
ما تكوني غليتيه و قطرتيه ديري شويا زبدة و ملح و شويا فلفل اسود و شويا
جوزة الطيب خليه في المقلة 4د و نوضحلكم في الصورة

كي طفيلو حطيه في وعاء و ضيفيلو البيشاميل بعد ما تكوني حضرتيها



بعد ما تريح العجينة حليها بالحلال و قطعيها دوائر

و ضعيها في المول لي لعندك انا استخدمت هاذوا

ثقبيهم بفرشيطة و ديري الحشوة

ضفيلهم الفرماج المبشور

دخليهم للفرن على درجة 180

نحيهم من لمول و ضيفيلهم تن








و تقدري ديري في مكان السلق خضر مفورة بطاطا و زرودية و جلبانة

شابة
او راني جيانة وحابة ناكل
يسلمو على الموضوع

شكرا على مرورك

يا خاوتى عندنا سيدة رزقى فالمنتدى وماعلابالناش

ههههههههههههههههههه راك تشوف ياسي رفيق السيدة رزقي تعلمت من عندي ونتا معلابالكش ههههههههه

شكرا لمرورك :)

خلاص هذا ما علموك تطيبى لازم يزيدو يعلموك

لالا أنا علمتها ماشي العكس