بنات الناس لعبه ,,, وأختك أنت برك (ممنوع اللمس ) !!!!!

الكلام التالي .. من واقع شبابنا .. !




بدايةً ..
سمعة البنت كالزجاج اذا انكسر يصعب اصلاحه وحياتها وكرامتها ليست ملكها , خصوصا
بالمجتمعات العربية .. للفتاة
حقوقها وكرامتها وانسانيتها .. فتعلمت وتفهمت ما لها وما عليها
الا انها في بعض الاحيان
تنساق وراء كلمات معسولة من ذئب شرس كل همه ان يفتك
ويفترس بعرض هذه وتلك من
البنات.. متناسيا ان له أخوات وأم وخالات وعمات
والكثير من الاقارب
البنات .. !!

ما هو مفهوم شرف الفتاة
لديك .. ؟؟ !

ما رأي الشاب الذي يغازل وفي لحظة يري اخته
في نفس الوقت مطيحة مع شاب اخر فتثور ثائرته .. ؟؟ !

واذا كنت تمنع اختك من تكوين صداقة مع شاب ( يصبح عدوك لو انك
عرفت ذلك عن اختك) فلماذا
تقبل ذلك على نفسك؟وكأن
بنات الناس لعبة واختك فقط هي الانسانه .. ؟!!

سؤالنا ايضا للبنات : هل
تقبيلن لنفسك ان تكوني علكة فى فم كل شاب يتباهى
امام
اصدقائه بانه يحبك وفعل
معك كذا و كذا .. ؟؟ !!

تعرفون يا بنات الآن كل ما نسأل علاش و علاش تديرو ﻫﻛﺪﺍ في البنات يقول أنا ما قلت ليهم اطلعو للسوق بملابس غير محتشمة .. لا وشي ثاني و بعد صاروا البنات اللي يرقمون الشباب في الأسواق .. !!

تدرون النصارى واليهود
عندهم كرامة علينا احنا


ثيابهم محتشمة ومستورة واحنا العرب المسلمين صرنا مهزلة في كل شي
قال غلاااااااش ( نتابع الموضة ) خلي الموضة تنفعك يوم الحساب .. !

الموضوع ملفت شوي بس
واقعي جدا في حياتنا يا ريت الكل يطرح رأيه بكل صراحة ..

المشكلة الطفلة هي لي قابلة على روحها وهي لي مضيعة الشاب

andek sah

هي البنت اساس المشكل كيما قال كريم البنت هي اصلا لوكان ماجاتش قابلة الولد مايتحركش فيها
وانا حسب ماراني نشوف البنت هي الي راهي تتحركش في الطفل مش هو بالنسبة ليا انا البنت هي الي رخست روحها صدقيني ختي
فسدو على رواحهم وعلى بنات الفاميلة

حتان ولاو الذراري يشوفو كل البنات كيف كيف

اي انتوما الرجال
كلشي تلصقوه فينا حنا
شوية واقعية،علاش تهدرو هاكا على بنات الناس،علاش عنصريين لهاذ الدرة،علاش كي يديرها الراجل حلال و كي اديرها البنت حرام،ذنبها انها بنت؟؟عند ربي كامل نتحاسبو كيفكيف،ماكاش فرق بين الراجل و المراة
ولا المشكل انو البنت كي تفقد شرفها كامل الناس يعرفو و انتوما ماكاش الي يفيق بيكم،علابالكم بلي انتوما اخطر،اديرو في حياتكم كلشي(راني نهدر على الي مايخافوش ربي اكيد)و مبعد عادي،كلي ماصرا والو،اتوبو و ماكاش الي عرف،علاه البنت الي تغلط غلطة تبقى طول حياتها اتبعها و الطفل عادي،هي ماهيش انسان،حتى بشر و نغلطو ثاني،مانيش نقول بلي هذا تصرف مليح،بصح راني نقول بلي ماترموش علينا كلشي لانكم نتوما السبب تاع كلش،انا متحجبة حجاب شرعي،علاش كي نكون نمشي كامل يتبلاو؟؟ولا ثاني نلبس غير محتشم؟؟بلعكس دوك راهم يحبو يخلطو في واحدة متحجبة لانها كيفاش يقولو جديدة،ماعرفتش من قبل،عاقلة كثر

حتى انتوما عندكم شرف،و مايلزمش تكسروه،حتى نتوما قبل ماتشوفو في واحدة،تفكرو بلي حتى انتوما عندكم اختكم و كاين رجال يشوفو فيها

اه حاجة واحدوخرا،استاذ يتبلى تلميذة،و ملتزمة،واحدة متحجبة يحبسو طوموبيل قدامها اركبي بالسيف،و كاين صوالح واحدوخرين عيب بزاف مانقدرش نقولهم،انتما السبب،حتى المحتشمات راهم يعانو من المشايقات،امالا ماتمسحوش الموس فينا،انتوما الي ماتعرفوش تتحكمو في نفوسكم،غير كي تشوفو واحدة لسانكم يسبقكم و تهدرو قبل ماتفكرو

عذرا اذا كنت جرحت العاقلين،راني نهدر على الي مايخافوش ربي

raku m3amra

ويسموها ايضا حب الانا

:444444:

عندك لحق واش قلتي ختي هديك هي بارك الله فيك

تجيبو غير المواضيع لطايشة

على ما اظن هدا منتدى تربوي

ماهوش فيه غير قسم تاع دراسة و دراسة،فيه اقسام واحدوخرين تاع نقاشات

و زيد اختي،قلتيها بفمك تربوي و هذي راهي موعضة

ملاك الروح كتب:

تجيبو غير المواضيع لطايشة

على ما اظن هدا منتدى تربوي

متفدينا حبيبتي بمواضيعك التربوية


بظن في وجهة نظري هيك بنعالج قضايا

مو مواضيع طايشة

لو سبنا المواضيع بلا نقاش نصبح احنا الطايشين

لي قالته صفاء راني معاها
وشكرااا

الي دمعة حجر انا نقولك في القران الرجال قوامون على النساء
بصح متنسايش الرجال يبقاو الرجال كي تجي رايحة تزوجي الراجل يجي يسقسي عليك كون يقولول هادي كانت مع هدا وهدا وهدا......................................
مي نتي كي تعرفي بلي عند باسي نورمال
تاني الراجل باش يدي وحدة يديها مربية بنت فاميليا مختشمة يقولك هادي لتصوني وتصون داري ماشي........................ ولاكيفاش يا ذكور
انا تبانلي لبنات هبطو لمستوى اسمحولي تشوف العجب منهم كون البنت تشد في روخها ماكاش لي يخرب فيها توقف كل واحد عند حدو ماشي كيما لي تظحكلو ولي تخزر فيه ينظرة اسمحولي حاجة هبال



مي على الرجال مايشوفوش كامل لبنات بنظرة وحدة كاين وين تلقاو بنات ماشاء الله

لا حول ولا قوة الا بالله


يا خاوتي


العنو بليس


راكم كبار وتعرفوا ربي جابلي ربي


هاظكا كل واحد يشد قدرو وخلاص

البنت كي تدير الحجاب ولا الفونارا ماذابيها تلتزم


والشاب ماذابيه يقدر هاذاك الحجاب اللي فوق راسها وماذابيه يدعيلها ويقول ربي يوفقها في الالتزام


هاظكا ماشي وحدة حبت توب لله عز وجل نروحو حنايا نقولولها ياودي خليك نورمال ياخي صداقة ومانيش عارف كيفاش؟

انا نشوف طفلة دايرة حجاب نبدعها ونحترمها والطفلة تشوف شاب حتى واذا عجبها تحترمو وتشد قدرها وتشد خيرها في قلبها وخلاص


هكا والله مانجو نكبرو غير نلقاو رواحنا احسن ناس


عن تجربة

مجرد رأي

لا تنه عن خلق وتاتي بمثله عار عليك ان فعلت عظيم



ولا خير في قوم لا يتناصحون ولا يحبون النصيحة



مكانش كلمة انا حر ولا الاخرى حرة


لا نحن كلنا فوق ملك االله والله من امر وقال لسنا احرار



حاب تكون حر عندي

حل

شوف بلاصة لا يملكها الله والله واحد ميهدر معاك

خلقك وتتعاظم وانت ضعيف

لا حول ولا قوة الا بالله

اختي انا ماقلتش البنت عندها الحق كي تكون فاسدة

قلت ماتلوموهاش على كلشي

قلت كلشي بحدود

انا نلبس حجاب و محترمة روحي بصح كامل يتبلاو

راني نقول بلي ماترموش كلشي علينا

الرجال هوما السوسة الكبيرة

انا ضد تماما انو البنت ادير حاجة توشي الشرف تاعها

مي ضد انو كي واحد مايستحيش يتبلاها يمسحو الموس فيها