ارجوكم ساعدوني خاصة الذكور

تذكير بمساهمة فاتح الموضوع :

اريد راي الجميع خاصة الشباب،لو خرجت مع خطيبتك و ذهبت الى مطعم فاخر،و عند الدفع هي سبقتك و اخرجت المال و دفعت الفاتورة،مع العلم ان الفتاة ليس لها عمل،و انت عامل
فماذا ستفعل؟هل ستعيد لها مالها و تشاجرها اذا عاندتك و تغضب منها؟ام هو امر عادي لا يهم
ارجوكم اجيبوني هل من الخطا ان تدفع الفتاة؟؟

هي نورمال صفصف


بصح ماذابيا نعرف من قبل بلي هيا رايحة تخلص

باش نعرف واش نطلب


ونغديها غداء عمرها ماكلاتو


يعني الغداء على حساب الحب اللي يكنو ليها


جاجة محمرة الله الله


بيتزا كبيرة طويلة عريضة سمينة معمرة بالمايوناز وكل دعاوي الخير فيها من لحم وبيض وفريت وكلش كلش


وكاش عفايس وحدخرين من برا


وزوج قرع كوكا وبيبسي



..
.
.
.
.
.
.
. والقائمة تطول


اما اذا كنت انا اللي نخلص؟؟

زوج tranches بيزا وكاس حمود بزاف


ياخي غير باش تستبني برك حابة تشبعي واقيلا؟؟؟

عادي تغيضك بصح باش تعرف بلاك شعال تحبك


عادي في بلادي

حسب نظريتي لايمكن للفتاة ان تعزم الرجل

وبالنسبة للخطيبين
اكيد دافع الحب خلا البنت تخلص في حين لازم الراجل هو اللي يخلص
مي معليهش اذا كانت البنت عندها عمل هنا رانا في حالة متساوية
البنت والشاب يتبادلوا المنفعة
والمنطق ايقول :الشاب اخطب البنت اذا لازم ايكون هو المبادرلانوا البنت ماهي تخدم
او في الحياة الزوجية كل واحد والدور نتاعو

انا تبانلى مافيها والو مى كاين لى يزعف من هاذى الحاجا زعما رجولة وهو فى قلبو يقولها خلسى عليا يلعب فيها قدامها راهو مش حاب

وين راه المشكل هي تخلص ولا هو المهم ماهربوش لزوووووووج ههههههههه

ههههههههههههههههههههه

رضوان استغلالي كبير

بسمة الجزائر،نستعرف بيك راكي فقتيلهم

رانيا انتي تشوفي للناحية المشرقة

بشير انت عندك الرجولة الزائدة ههههههههه بصح كيما قالت بسمة الجزائر تقول في قلبك انشالله تخلص هي

رامي انت نورمال ماعندي ما نعلق

جون انت ثاني نورمال

مشكورين كلكم على المرور الطيب و الاراء الجميلة

عادي بصح المرة الجاية
نورمالموا غير يقولك نخرجوا يقولك
انا رايح نخلص وادا ما قالهاش
عندي حاجة اخرى انا
وهو الله اعلم
سلام