طريقة المراجعة للبكالوريا في العطلة .... حصري للمنتدى

السلام عليكم ورحمة الله تعالى وبركاته

اليوم جبتلكم طريقة المراجعة لكل من يدرس بكالوريا

هي طريقة مجربة ونافعة نتمنى تتبعوها وادعيولي وادعيو استاذي العزيز بالخير

نبداو اولا الصباح نخصصوه للمواد العلمية كل يوم مادة وحدة فقط

وفي المساء المواد الادبية مادتين على الاكثر

7 ساعات كافية للنوم

الان نفصللكم
قبل اذان صلاة الصبح القيام من النوم وصلاة ركعتين

تناول 7 تمرات ( تقي من السحر )

اختيار مادة للحفظ والتسمية بالله ونبداو الحفظ

الساعة 8 تناول الفطور العادي ( يحتوي على سكريات )

ساعة راحة

من 9 الى 12 اختيار مادة علمية

تتم مراجعتها كالاتي

اول حاجة يكون عندك ملخص تم اعداده من قبل
اخذ مجموعة من التمارين من اي كتاب خارجي او الكتاب المدرسي
يكون حل التمرين بالكتابة في ورقة وبالقلم ( ماشي تحلو التمرين فالسماء وتقول تمرين هادا ساهل )

12 تكمل المراجعة وتروحو للغداء بلاعقل برك على الكوزينة هههههههه
اخذ قسط من الراحة وتستغلوه فقيلولة بسيطة ماشي التفراج

بعد القيلولة مادة علمية اخرى وبنفس الطريقة ملخص + حل فعلي
ياريت انو كل تمرين تحلوه تعطيو للاساتذة يصلحولكم هكا باه تتعلمو من اخطائكم

بعدها ساعة او ساعة ونصف راحة ( اما باستغلالها في نزهة او مشاهدة التلفاز )

اكيد متنساوش الصلاة بالاكم تهملو اوقاتها كل صلاة في وقتها

بعد صلاة العشاء تختارو مادة حفظ ( ساعة او ساعة ونصف )
الحفظ التام بكل تركيز ماشي الكراس في يدكم وراسكم في بلاصة خرى

بعدها الانصراف الى النورم وليلة سعيدة

ان شاء الله تكون عجبتكم

بالتوفيق لجميع الطلبة

اختكم الغزالة

سليم معجب بهذا