لنقاش الجاد بين الشباب و البنات *ارجو التثبيت*

انا مش جريئة في طرح الاسئلة من بعد ونشوف

سؤالي هو
ماذا يستفيد الشباب من التلاعب بالبنات ومعاكستهم؟؟؟؟؟؟؟؟؟؟؟؟؟؟

مكن لانها تتاثر بالممتلات اللي دايرين اكير من عملية تجميل وتحاول تنافس كل البنات
اما بالنسبة لي فانا راضية تماما ودايما نحمد ربي على كل شئء
سؤالي هو كيف يسمح الرجل لنفسه بالتلاعب بالفتاة وتمضية الوقت معها لا غير وينسى ان اخته او بنته او او .......قد تتعرض لنفس الموقف؟؟؟

يمكن لان الغير عند البنات اكبر من اللتي عند الاولاد
وتاني الشباب ما عندهمش عقلية هذا خير مني ولا هذا فايتني ...........بعكس البنات الغيرة ساكنتلهم في الدم هههههههههه ربي خلقهم هكدا

صح علاش الشاب ما يقدرش يستقر في علاقة الحب غير مع بنت وحدة ويروح لاكتر من وحدة
يعني علاش نتوما الشباب ما عندكمش صفة الاخلاص والوفاء



ملاحظة: خويا تقول هذا الموضوع داروهلنا غير لينا وين راهم البقية راني غير انا وانت نشاركوا والله الاسئلة خللاصولي ههههههههه

الغيرة امممممممم ما شكيتش ضلوع عوجاء وتبقاو هاك


وعلى سؤال لالا الاوفياء اكثر والدليل اباؤنا اليسوا اوفياء لزوجاتهم
مع ان الله اجاز اربعة كم من زوج اكتفى بزوجة واحد
وهل كانت المراة لتكتفي بزوج واحد لو لجيز لها ما اجيز للرجل
لا اعتقد ولهاذا الوفاء من صفة الرجال فلا تظلمونا


اما سؤال البنت نهار تكون غير مرتبط تكون غير تتلسق و تسمع صباح الخير ومساء النور
والسلام وغيرها في كل وقت ونهار ترتبط تتبدل
تولي تتكبر وتتكسل وكانوا خلاص تزوجت
في حين انه لا يتغير الشاب عند ارتباطه وتعاملاتوا مع الاخرين تبقى هي هي
و الاسوء انوا نهار يصرالها الفراق
تتفكر صحباتها واحبابها والرفقة تاع زمان
زعما ما صرى والوا
ايا فهموني في هاذي :|


وعلى الملاحظة : عادي مزال ما شافوش الموضوع

انا وحدة مخطوبة عن جديد يعني مجربة وخطبنا لخويا ايضا
بون
شفت بلي بكري الشروط كانت بسيطة وقاعدا غير تزيد كيما راك تقول
مي بلايص مازالها على حالها بسيطة
والناس لي راهي تزيد شكووووووووون
انا نقولك
ايا حنا رحنا خطبنا لخويا بنت لكن هادي البنت جينيورة في الآليات الله يبارك وتقري استادة في معهد المهم علم الله يبارك ما عندك ما تقول
ايا سيدي كي وصلنا عند قصة الشرط واش قال باباها الذهب راهو غالي وزيد ............
قال انا بنتي قريتها ودوكا راح تدوها انا نشرط فيها 25 مليون وكي تتزوج تبقى تخدم والشهرية ماكلاه تعولو عليها انهههههههههه ما قالش حتا نطلبو الهناء حتى لو بالكدب
كون جاو اغنياء معرف واش يدير زعما هادا كامل راهو دار فينا ربي زعما ساعدنا
بون حنا كي ما شتيناش هادا الشيء فينا ما بغيناهش لغيرنا
انا كي هدرو لبابا على الشرط قالهم راهي بنتكم واش جبتولها يرجعلكم وانا نزيدكم ادوها عليا برك ههههههههههه هادي الناس الشبعانا اللهم زدنا تواضعا ههههه امين
لالا صح صح اقلهم مهرا اكثرهم شئنا قالك انا نربح القدر للبنتي
وكاينا حاجة
ممكن الخاطب يحس روحو بلي راهم تشرطو عليه بزاف ربما كي يروح عند ناس اكبر من مستواه يعني
واحد شومار راح يخطبلي في واحدة استادة في الجامعة او حاجة المهم خير منو هادي بالذراع تتشرط عليه باش تقيمو ههههههه
وكاين وحدة تكون حابة دير حوايج والاسعار راهي غالية يا خاوتي ههه
وكاين لي تقولك انا نشرط عليه دوكا وندير حوايج قبل الزواج لانو علابالها بلي الراجل هات ما يتزوج برك يغبن مرتو ...معناتها ما يوليش يجيب ولى حاجة وهي تولي كي الطلابة هههههههههههههه تقولك نعريه قبل ما يعريني
هادا رأي
وممكن انا نخمم زي والناس مش كيفي .....
سؤال للاولاد
وعلاش كي تكون مع وحدة وخلاص انت خممت باش تتزوج تروخ تخطب وحدة غيرها وانت مازالك معاها ................وتقول ليماك شوفيلي بنت ناس.وعلاه ما ديرش في بالك انو هاديك البنت لي خطبتهالك يماك راهي كانت صحبت واحد اخر غيرك ربما صاحبك ............سما تدي(زبالة غيرك) ومطبوع عليها كلمة (مستعملة ) هههههههههه الشاطر فيكم يجاوب
ونصيحة ادا عندك بنت في قلبك وكانت معاك بالقدر من عندي اديها خير ما تدي فضلات غيرك. خير من انك تحلبها انت الاول في حياتها ومن بعد تخليها . وتروح انت تخطب وحدة يكون رقنمك في حياتها ( الرقمم مجهول من كثرتهم لم اعد احسب )ههههههههه و الفاهم يفهمني ....


كانت معاكم رجاء ان شاء الله ما طولتش عليكم
سلامووووووووو

الف مبروك بمناسبة خطبتك واخوك ان تمت

على العموم انتي قستي بعض جوانب المشكلة
ولي قلتيه يدخل العقل صح كاين منها وزيادة وكاين لي ما صبتيش فيه


خلينا نرجعوا لسؤالك
ولي راح نجاوبك فيه باختصار لانوا ما صراتش معايا

وزيد شخصيا حاب نتزوج زوج وحدة تكون اختيار الوالدة
والثانية نختارها بنفسي وراني بديت نحوس على الثانية مدام
الاولى راهي صابتها الوالدة


ومن اسباب عزوف الرجل على الزواج بالبنت التي صاحبها
يعود الى :
سداجة هاته البنت ( تقدم ما تقدمه الزوجة فاذا تزوجها فماذا تقدم ؟؟؟)
عدم الثقة فيها ( يعني نواياها من الزواج ماشي مليحة )
ما يشاع عنها ( فقد تكون سمعة اهلها او احد اقاربها او قريباتها مشبوهة ؟؟؟؟)
طول المدة والملل واكتشاف نقاط عدم الاتفاق ( فالرجال يحبون التغيير حتى بعد الزواج ولذالك اسباب )
الثقة في اختيار الام خاصة اذا كان في منطقة محافظة ( فمن صاحبها في الغالب " برانية " اضافة الى كون الام اختارت
فالتوافق بينهما يكون اكثر من بنت الشارع كما يسمونها )

هذه بعض اسباب عدم الزواج بهذه الطريقة وهي نفسها اسباب فسخ الخطبة اضافة الى اسباب اخرى ....



صحى سؤالي وعلاه النسا بصفة عامة يحبوا يشروا كل حاجة بالكوطة ؟؟
هاذي صبابيط صيكان اكسيسوارات وماعين طباصا كيسان
والغريب انوا تستعملهم مرة في العام ولا ما تستعملهمش نهائيا
يعني نهار كانت حابة تشري في واش كانت تخمم ؟؟
ايا فهموني في هاذي

معليش خويا انا كي حددت البنت قلت تكون مليحة وقلت بلي ما كاين حتا مشكل منها راني قلت تكون رائع معاها وفي وقت الصح تروح تجري ليماك هههههههه



بون السؤال نتاعك
نجاوبك باختصار حنا نشرو بالكوطة باش نغنتنمو الفرصة ان ممكن ما يعودوش كاينين من بعد
وممكن جدا نهار لي نروح نشري يجي 7000 تخمام مي نهار الاستعماال ما نحوسش عليهم ممكن لانهم نكتشف ما يليقوش
وممكن نهار ل خرج فيه اني نخاف الدراهم لي عندي ما يكونوش نهار لي نحتاج الحاجة باش نشريها سما نبذرها على حاجة اوخرى
وربما تقول ايه هادي نحطها كي يجيني فلان او كي ندير ندير وعدة مي ما يصراوش ايا ما تحط ما والو ولى نشري ساك هاداك كي نروحلهاديك البلاصا نديه مي ما نروح ما والو هههههه
المهم اسباب كثيرة وانا تعبت وتعبتكم معايا


السؤال للرجال
علاه انت مليح انك تحب وحدة وتموت عليها وتتمنى تكون معاها وتعيش معاك هياايضا تتمنى انها تموت عليك كيماانت تحبها
مي كي توصل عند اختك لالا ما لازمش
علاه اختك زعما مالازمش تحب ولا ما عندهاش هادي الغريزة
انا ما نقولك تخليها دير هاكدا ...... وما تقوليش انت نخاف عليها .....انا قتلك علاه ما تخممش بلي هيا تاني عندها الحق باش تحب كيما انت راك تحب

وشكرا فهموني يا الشطار

هههههههههههههه النقاش راه حااااااااااااااااااد هههههههههههههه

ههههههههههههه موضوع رائع و مفيد اماط اللثام عن العديد من خبايا الفتيات و الشباب على حد سواء اردت المشاركة ولو بكلمة بسيطة اود القول من خلالها ان لاختلاف بين طريقة تفكير الجنسين امر محتوم ولا بد منه لاستمرار الحياه ان الجنس اللطيف يفكر بطريقة اقل ما يقال عنها عاطفية و ساذجة فيما نلاحظ ان الجنس الخشن يستعمل عقله في التخطيط لكل خطواته و يحسبها و لهذا قال الله سبحانه في كتابه العزيز بمعنى الاية ان الرجال قوامون عن النساء كما ان النسوة ناقصات عقل و دين وهذه حقيقة لا مفر منها بالرغم من هذا فان كيد النساء عظيم لان المرأة متطرفة بين الحب و الكراهية ولا تعرف الوسطية بينهما فاحذر ايها الرجل ان انت اسات اليها او جرحتها فقلبها رقيق لا يتحمل وقال صلى الله عليه و سلم ان النساء قوارير سهلة الانكسار فرفقا بها مما يزيد من مسؤوليتك يا ادم تجاهها انها امانة ابيها على عاتقك
اختلاف طريقة تفكير حواء او ادم لا يعني ان احدهما مخطئ او سيء الطباع بل هذا ما يجب ان يكون عليه الحال لاستمرار التناغم بينهما فالاخر لا يعرف ما نريد بالضبط لذلك يجب ان نعطي اكثر مما نتوقع وهذا ينطبق على الجنسين
السؤال علاش مين نبداو نسيقو يجيكم المرواح و المولي و قاع اللي عندو كاش حاجة يبغي يفريها؟الله يرحم الشوابين قولولي

انا صح عندي اسئلة محيرتني
مي نعرف جوابهاا

مي صح لي تكرهني في البنت
انها تكون خلاطة .. وتحسب روحها رااها تجذب ف الغاشي
مي طفل بالنسبة ليه هذي مجرد تسلية وهي تكون غاافلة
ولا الطفل
لي ترخص رووحها وتخسر قيمتها ودينها وبراسك كلش

على جال وشنو ؟؟... والو

صحيح ما قلت اخي معك حق
البنت في بعض الاحيان قد تظن ان السبيل لجذب الرجال هو مخالطتها لهم بما لا يرضي الله ولا تعلم بان حيائها اشد جاذبية من جمالها وبعض الرجال لا يفوتون الفرصة ماشاء الله عنهم فما ان يجدو فتاه من هذا النوع لا يقصرون ابدا في التغزل بجمالها وحسنها ومفاتنها عوضا عن نصحها وارشادها كما انهم يحبون الاصطياد في المياه العكرة يعاكسها اليوم وغدا يفضحها .صح البنات ناقصات عقل ودين مي مشي للدرجة لي نخلي الولد يلعب عليا ونخون الثقة تاع والديا علا جال حاجة فايتة كيما يسموها "نزوة عابرة"في سن المراهقة غدوة نولي نتعاير بيها
على كل حال الله يوفقنا الى مافيه كل الخير والصواب و هدانا الله الى طريقه المستقيم