نحكيلك همي و واش فات عليا انضريت في لالجيري نشوف بعينيا

ليوم جيت نكسر les tabous
ونحكي على واش شافت عيني وواش ضرني في بلادي

لواحد راه عايش في وسط géneration فوضى وكبر فيها
نحكي على حياة les jeuns تاع هذا الزمان
la jeunesse لي راه يقاسي ويسوفري ولي باغي يgاجي وفيهم لي باغي ينتحر
وكاين لي باغي يكاسي وكاين لي باغي يطراسي يروح لبلاد الناس باش يتهنى ويسوvي
عباد
كارهين حياتهم مغمومين ومهمومين وواحد منهم مايستعرف بالحكومة تاع لبلاد
لي كثرت فيها الحقرة وكثرو les agressions وباه ادور يلزملك موس تحتك
باسكو كثرت الغدرة
ولازمك ادير الحيلة باه تعيش
نحكي على الشباب الضايع
ننضر كي نشوف شباب بالدبلوم انتاعو و يدور
ولا يضرب البالا ويحرثو عليه العرب الي هو خير منهم فالniveau
على هاذي la jeunesse يخمو فالحرقة والهربة مالبلاد لازم الهربة باسكو هنا مابقاتش solutions
بلاد باه تعيش فيها يلزملك fonds الرشوة والمعرفة باسكو كاين سابوطاج والpiston
المجتمع راح فيها وانحل والسيستام يكوولي فيه دارونا lavage de cerveau
الجان قلبو فيه الخير بصح مخو تحت التخدير ومات الضمير
وعلى هاذي الجان راحلو l'espoir وقطع املو مالبلاد
يعني الدولة قاعدة تحقر فالشعب والشعب يحقر في بعضاه ورايحة تكمل mal
وماننساوش الشباب لي ماكملش في l'école باسكو الظروف ماسمحتش وندمو عليها
و les familles لي قاتلتهم الbesoin
و les jeuns تعلمو مالزنقة كثر من واش تعلموه فالكرسي تاع l'école

وعندو الحق لي قال l'avenir بنت الgاوري

وعلى هاذي راني باغي نعيش clandestin ونكون soldat

فالاخير هاذو غير les titres تاع واش صاري فالبلاد
لوكان ندخل في les détailes بالاك تجي الدولة ترفدني من قدام الميكرو

تبا لبلاد ميكي ماوس

سلام

°°جـــــــــــــــــــــــــــــ أنثى ــــــــــــــــــــــــنون نحكيلك همي و واش فات عليا انضريت في لالجيري نشوف بعينيا 764357