حواء ضروري الدخول آدم بالداخل للاجابة

الى كل بنت من جنس حواء
ان كان لديك سؤال عالق هذه فرصتك
انتي اسالي وستتلقين اجابات متعددة منما نحن جنس آدم

اسئلي ونحن نجيب


لا تترددي يلا

فرصتك

علاه الدراري غير يشوفو بنت يولو يعلقو عليها..............؟؟؟

نجاوبك اختي المشرفة
ذاك الشخص لي يعلق تافه
وجايح بمعنى الكلمة يعني فارغ شغل واوعك ديري على كلامو
اما اذا كنتي متاكدة انو انسان صاحب مستوى فهو يعلق عليك لانو حاسدك

وهذا عموما للاولاد الذين يعلقو على غيرهم


في انتظار اسئلة اخرى

مشكووريا الاخ على الاجابة و على الايضاح

عندي سؤال....
علاه الدراري غير يديرولنا جاست مش مليحة ولا ضربة ما تعجبناش ...وغير نقولوهالهم يستهزؤو بينا .....وغير نقولولهم تحبوها لختكم ولا ليماكم يرفدو شنافتهم ويغيضهم الحال و تلقاهم يغضبو علا جال ذكرنا يماه ولا ختو ؟؟؟؟؟..........وكانو حلال عليه و حرام على الناس

اولا اشكر الاخ على الموضوع

نفس جواب الاخ اختي رقية

هناك صنفان من الذكور
صنف لا شخصية له
يعني جواب الاحمق السكوت
اذا دارلك جاست
اهدري معها مي قوليلو كلامات الي تخليه يغلي

وكاين صنف خفيف دم يحب يقسر

يعني الخطا مش في جميع الاولاد
الخطا في بعض
ولي يهز شنافتو على ختو وهو دار حاجة لبنت الناس
مالا راهو مرفوع عليه القلم مسكين

الله يهدي ما خلق.....انا حتى وليت نشوف الدراري قاع عقلية و حدة و قاع كيف كيف

اميـــــــــــــــــــــــــــــــــــــــــــــــــــــــــــــــــــن

امليحة هاذي نتاع قاع في الهوا سوا
صدقيني غير كاين ناس مش كيما هكا
كاين لي عقليتو هكا نتاع تعلاق وميقصدش
وكاين لي خاطيه التعلاق
وبما انك في الضاية مش بعيد تشوفي 90/100 كامل نتاع تعلاق

انا معكي في رايك رقية
اما انا سؤالي لماذا الذكور يلعبون بمشاعر الفتاة وهذا السؤل من صديقة عزيزة

MAHA كتب:

انا معكي في رايك رقية
اما انا سؤالي لماذا الذكور يلعبون بمشاعر الفتاة وهذا السؤل من صديقة عزيزة

سبق وان اجبت رقية بان هناك ذوي الشخصيات الطائشة الفاسدة يسعون نحو التفاهة

++
يلعب الذكور بمشاعر الفتاة في حالات من بينها
حينما تتلاعب هي بشعوره الاول فيرد الثار
حينما يكون تافها فلا يحس لما هي تحس به
حينما لا يقدر قيمة الفتاة الحقيقة



يعني لي ميقيمكش متقيموش


وكيما يقك عظمة عقلك تخلق لك الحساد



ونسيت مباركتلكش

على اخفاء نظام الرسائل

انا عندي سؤال علاه الدراري يحقرو البنات؟؟؟
..........وقيل لي انو يحقر الولد البنت غير ما يقدرش على قرانو
انا حبيت اجابة من عندكم
وهل الكلام اللي قالوهلي صح؟؟

لي يحقر كاين صنفين
كاين صح كيما قالولك
وكاين لي هفوة مش قصدو الحقرة مي موقفو يتحسب حقرة


اذا رجع واعتذر يعني كانت هفوة منه
وحتى ان تعذر الاعتذار فالشخص السميح يلاحظ

لكن الحقار وعرة الرجالة باين


اختي رقية كيما قتلك عظمة العقل تخلق لك الحساد

يعني حولي تكون ردتك بالكلمات القاتلة بمعناها ومغزاها

مشكوور يا الاخ كريم على التوضيح

لمادا يتنكر الشاب لشعوره فيرد بقسوة

كم من الصعب اختي
ان يلاقي الشاب ان شعوره لا يحس به الا هو
فتكون ردة فعله قوية جدا

قد تهدم الجبال حتى من كثرت قسوتها

كما هو الحال لديكن ايضا


لكن الشاب ينسى والبنت لاتنسى وهنا اختلافنا

لذلك تكون ردتنا على دفعة واحدة

وكيما يقولك الجمرة يحسلها غير لي كواتو

سؤالي هو: كفاش اتفسروا كي عود واحد اشوف مع طفلة بنظرات موش نورمال, ويعود يهدر مع صاحبو ويقولو كلام وهو راه امعني لها هي, مي ولا مرة اتجرأ وراح وصارحها. واش اتفسرو تصرف هاد الشاب

مشكووووووووورين على هذا الموضوع الرائع

يصارحها بواش
هههههههههه
هنا المشكل انو الطفلة تحس انو يحبها
وهذا اكبر احتمال
مي يمكن يكون معجب وممكن يكون يعقب في الوقت وهو احتمال ضئيل


مصارحهاش لانو صعيب بزاف
واحد ميعرفش وحدة ويصارحها بالحب او الاعجاب

حتى ولو تكلم معاها قد ترفض الحديث معو


لذلك يحي الطفل ميدخلش روحو في دوامات

ومن الافضل الطفلة اذا لقات هذا الطفل عاقل

مشي شيطان
ههههههههه


تحاول كيفاه تخليه يفهم روحو بلي راها حابة تهدر معاه

وهو يجي بلا تردد

المشكلة أنو الطفلة ماهيش فاهمة واش يقصد بهدوك التصرفات, باش اذا كان راه يقصد بهم شيء معين تتجنب الهدرة معاه..., وفي نفس الوقت ماهيش حابة تقبل لا هو ولا غيرو.

أفهمت قصدي درك.

ايه اكيد انا فاهمك من االول

لانو اصلا الطفلة هاذي دينها يفرض عليها انها لا هو ولا غيرو
والمجتمع ايضا
مي اسكو تحبو ولا لالا ولا ممكن معجبة بيه
يعني اومان تعطيه الفرصة يهدر
مش قصدي انو يتمادى من بعد الهدرة
هذا وش كان قصدي

لانو الطفل اذا حب وتجرح ينسى بسرعة لكن البنت ممكن متحبوش او مش معجبة به اول مرة


لكن قد تكون لها ردة فعل متاخرة

تقعد تفكر فيه بويسكو غير هو لي جذب الانتباه نتاعها من قبل


اذا كانت حابتة تتجنب الهدرة معاه عادي اصلا متديهاش فيه



مي المشكل اذا كان هو حبها يعني تقتل شعور واحد بلما يكون ليها ذنب ايضا


لكن اسلامنا يقولنا هكا



وزيد منال الطفل لي يحب وحدة باين




وانا منقدرش نقول حاجة لاني مش في موقف الطفل هذا



وان شاء الله تكوني انتي فهمتيني ذركا

فهمت كثير مليح, مشكور على هذه الإجابة, رايحة نبعتها لصاحبة هاد القصة باش تستفاد من كلامك.

شكرا مرة ثانية.

العفو

عادي قولي انا ومتحشميش

كامل البنات راهم عايشين نفس الوضع
ويشكو بزاف

بواش اتحب نحلفلك ماشي أنا, صحبتي هي اللي راه فهاد المشكل
أما أنا الحمد الله.

وانا كشما قتلك منال ؟؟

علاه الناس تحلف بواحد اخر غير ربي ؟؟

انتي الحمد لله

كامل رانا الحمد لله

علاه شكون لي مش لباس عليه

جاوبت على كلامك: عادي قولي انا ومتحشميش
باش انصححلك المفهوم ديالك هذا ماكان
علبالي دورك اتقول هذا الطفلة نقاقة بزاف مي معليش.

ههههههههههه
منال ديما تسيئي الظن قتلك انا مام نزعق معاك
هذا مكان