حكاية وطن ... اسمه لبنان ( بمناسبة عيد الاستقلال )

لبنان ... ليّش بأرضك هيّك صار ؟؟؟

ويّن دم الشهداء , يلي روّيت ترابك الجبار ؟؟؟

لبنان ...

يا جوهرة من عقيق

انت الحضارة للخيّ , وللصديق

عمّرنا حجارك , وزرعنا ترابك البور

لأجيال صاعده

حتى تكون للعالم , علم , ونور

بَنيّنا مجد الحضاره لولادنا

حافظنا عَ تراث اجدادنا

مين يلي عمل قيّك هيّك !!! يا بلدي الحنون ؟

ولك يا ريتو كان حلم عابر , مش قدر مجنون

نصحى بقى من هالحلم , اسلام ومسيحييّه

ونرجّع للبنان ,كلمة كرامة , ومجد , وحريه.

لبنان , انت يا كلمة بطل

يا صوت زعزع جبل

يا كلمة الحق , والحقيقة

يا امل كاين بالخليقة

شفت بموت الشهداء شو صار !!! ؟؟؟

وكيف الناس تزلزلت , بالغضب الجبار ؟؟

لكن الحكاية ما طالت

وبصمت الحقيقة , عالسكت جالت

خنقت الأصوات الجريئه

وقتلت اطفال بريئه

عَ ارض شربت من دم الأبطال

وارزة شامخة ما بتنطال

وزعت حنينها عَ كل الأعلام

وشباب ثايره ما بتنلام

جمعوا الريات كلها

برمز واحد .... وانشالله

يبقوا هيّك متفقين

وما يفرق بيناتهم دين

ولا حزب ولا شعار

حتى نبني وطن جبار

لبنان يا بلد القوة والعنفوان

صامد بأذن الله , ورب الرحمن