كيفية تحضير الجبن في المنزل

المكونات

ناخذ نفس مقدار الحليب لبن

مثلا اذا اخذينا

2 لتر حليب

يكون مقدار اللبن 2 لتر كذلك

شوية ملح او سكر حسب الطعم المحبب عندك

الطريقة
تناخذو الحليب ونفيضوه وتنوضعوه في آنية محكمة الاغلاق بحيث ما يتسربش ليها الهواء

وتنزيدو عليه وهو سخون اللبن بارد
وما تنحركوش الآنية نهائيا

تنسدوها مزيان ونحطوه في بلاكار او مكان دافي

من الافضل نوجدوه في الليل باش يكون جاهز للصباح

تنلقاو كورة الجبن بدات تتجمع تنديروه في شي منديل نقي باش يتصفى (زيف حياتي مثلا)

او الى عندك شبكة تتصفي رقيق وتنخليوه معلق باش يتقطر مزيااااان
ومن بعد تندخلوه للثلاجة مباشرة باش ما يحماضش لينا

تنقدرو نقدموها باكثر من طريقة

يمكن نسموه بقشرة الحامض محكوك او الليمون

او تنرشوه بالجنجلان او السانوج
انا تنفضل اللوز والكركاع مهرمش