الليسي المبليسي

كي ندخلو لل لاكلاس يبدا تكسار الرّاس و المشكل بمن في الأساس ؟
في الرياضيات المجال و الدّوال و العلامات الباهيات شيء من المحال معادلات و متراجحات زوايا وبيانات و بالنّسبة لينا لي تقولو الأستاذة شيء فات ومات
أما تاع العلوم معلومة ما تدوم و التّلميذ يعوم في بحر من الهموم ويتفرج كأنو مصدوم بين صبغي و كروماتيد ما فهم حتّى جديد عقلو تقفل باب من حديد
ما جبناها في الفيزياء و بمثلها في الكيمياء حركة مستقيمة وحركة دائريّة عدد شحني وكتلة موليّة صدّقني حاجة ما تدخل في بالك تسمع غير آ بون وأليس كذلك براسك تقول وهذلك وبصراحة أنت راك تصرح في خيالك
في العربيّة مقاطع شعريّة ونصوص أدبيّة تاع العصور الجاهليّة مختومة في الكتاب بروايات حب عذريّة ومن الأستاذة نصائح جوهريّة تفيد في الحياة اليوميّة لكن بالنّسبة لينا هي حصّة ترفيهيّة
أمّا حصّة العلوم الشّرعية حصّة تشويقيّة تعلمنا القيم الدّينيّة حتّى نكون دائما ذوي نعم التّربية
الجغرافيا حصة تثقيفية عن المناطق الجبليّة خطوط الطل و خطوط التسوية, بصح في مخنا مختلف البيئات الصّحراويّة و الأفكار السّوداويّة و التّاريخ أكبر ورطة يحكي غير على العصور الوسطى
الإنجليزيّة لغة أجنبيّة ما يقدرو عليها غير الأقوياء
و نحكيو على الفرنسية لغة المدنية و الولايات الجزائرية بها نطلعو المعدلات شوية
العلوم التكنولوجية الحصة لكبيرة فيها هي إسقاطات تصبن و معادلات كهربائية يليها طرائق أوربية و سبل أمريكية الفاهم يفهم و لي كيفنا عمرو ما يخمّم
فهذا الأخير يشبه تخمين البعير
و بصريح العبارة أنا مليت من لقراية و ما عدت نسنا حتى علامة لأني خارج مجال المعدلات لي تحصلو عليها المثقفين و المثقفات
التدبديب يمشي في دمي و غير التفاهات تخرج من فمي
هذا هو الواقع المعاش لي يسمع يقول منو ما كانش بصح واش تحب دير واش بمعنى خلاف فضت علايا و على جميع الطلبة الأغبياء

روعة اختي الكريمة